Evje Blå Kors forening

Harald Aas (t.h.) har vore leiar av foreninga i snart 20 år. I 2011 mottok han Evje og Hornnes kommune sin Frivillighetspris av ordførar Bjørn Ropstad.

Foto: Geir Daasvatn

Evje Blå Kors forening er ei frivillig forening i Evje og Hornnes som ut frå ein kristen grunntanke arbeider for fråhaldssaka og driv eit breitt barne- og ungdomsarbeid i bygda. Det er særleg gjennom speidararbeidet dette førebyggjande ungdomsarbeidet skjer. Foreninga er ei av dei eldste Blå Kors-foreningane i Noreg, og feira 100-årsjubileum med stor jubileumsfest på Evje laurdag 26. september 2015. Leiar i foreninga (2015) er Harald Aas.

Evje Blå Kors har i 2015 om lag 20 medlemer. Foreninga eig Blåkorshuset i Kyrkjebygda i Evje.

Styret

I 2015 er styret slik samansett:

• Harald Aas, leiar
• Per Lunden, styremedlem
• Gerd Wenche Åtland, styremedlem
• Torill Åtland

Berit Thorsen er kasserar.

Leiarar gjennom tidene

16 personar har vore leiar av Evje Blå Kors forening sidan oppstarten i 1915. Mellom desse er:

• Harald Aas (19 år)
• Gunnar Nordbø (26 år)
• Alfred Follerås (15 år)

Kjelder

• Sigurd Haugsgjerd, - Huset har blitt ein samlingsplass, artikkel i Setesdølen nr. 79, 2015, side 6, i samband med 100-årsjubiléet
• Ingvard Østerhus, Flott 100-årsjubileum for Evje Blå Kors, artikkel i Setesdølen nr. 82, 2015, side 5