Oppsal

Oppsal var ein husmannsplass under Prestegarden, like ved bytet mot Kyrvestad, i Valle. Første rydningsmannen var Hallvard Torgrimsson Viki (f. 1786, d. 1864). Han fekk bygsle plassen i 1824.

Oppsal blei nedlagt som husmannsplass i samband med utskiftinga av innmarka på m.a. Prestegarden i 1869.

Gamal gard

Oppsal er nemnd i skriftlege kjelder så tidleg som i 1451. Plassen var nok sjølvstendig gard før svartedauden (før 1350), er det sagt i gards- og ættesoga for Valle.

Kjelder

• Alfred Ryningen, Valle kommune IV Gards- og ættesoge Valle, utgjeve av Valle kommune, 1987, side 419–420