Gudrun Botnen Haugen
| Gudrun Botnen Haugen | ||
|---|---|---|
| Født: | 18. april 1902 | |
| Død: | 5. august 1980 (78 år) | |
Gudrun Botnen Haugen (fødd 18. april 1902 i Fyksesund i Hardanger, død 5. august 1980]] var leikleiar i Noregs Ungdomslag og danseinstruktør. Ho var opphaveleg frå Hardanger, men gift med Notto Haugen og busett på Evje frå 1950-åra.
I lokalmiljøet i nedre Setesdal la Gudrun ned eit formidabelt kulturelt arbeid med leikarringar og kurs i folkedans, songdans og folkeviseleik. Ho arbeidde med amatørteater og hadde ei stor interesse for bunader. Ho var også ei framifrå bakstekone. Heime i Arendalsvegen dreiv ho utleige av rom til turistar.
«Skulle nokon ha fortent ein kulturpris måtte det vere Gudrun, men dei åra ho var aktiv i bygdene i nedre Setesdal fannst ikkje noko slikt», skriv Eva Haugen Sørgaard i eit stykke om henne i Arnstein 2013.
Kjelder
- Eva Haugen Sørgaard, Gudrun Botnen Haugen, stykke i Arnstein 2013, side 32–36
- Vidar Lande, Mellom aust og vest. Folkemusikk i Evje og Hornnes, utgjeve av Vidar Lande i samarbeid med Evje og Hornnes sogelag, 2024, side 271–276