Ljosland kapell
Ljosland kapell er ei kyrkje i Åseral kommune bygd i 1959. Ho blei vigsla i juni 1959 av biskop Kaare Støylen.
Kyrkja er rektangulær og bygd i tre. Ein del av materialane kom frå skulehuset på Logna som var rive tidleg på 1950-talet. Arkitekt var A. Erikstad. Byggherranne var Trygve Roland frå [Bjelland]] og åsdølen Tore Tveitstøl.
Kyrkja har 95 plassar. Altertavla er «Jesus på korset» av Ottar Helge Johannessen (1959) og eit kors i tre med glassmosaikk. Preikestolen er i tre og laga av Tveitstøl og Roland i 1959. Også døypefonten er i tre. Kyrkjeklokka er frå 1959 og laga av Olsen Nauen.
Av kyrkjesølv er det alterkalk og disk, alterduk og antependium er laga av Aud Holmer Hoven til den nye kyrkja. Orgelet er bygd av Klaus Becker i 1987. Det soknar om lag 30 menneske til Ljosland kapell. I 1992 var det fem gudstenester i kapellet, ein vigsel og ei gravferd. I snitt var det 38 på gudstenestene og 38 til nattverd.
Kjelder
- Alf Henry Rasmussen: Våre kirker 1993 ISBN 8275270227
- Tonje Kallhovd, Gjenbruksbygget Ljosland kapell, stykke i Kyrkjebladet for Åseral, Evje og Hornnes nr. 1, 2025, side 6