Vikelid
Vikelid er ein eigedom (gnr. 32 bnr. 5) på Sandnes i Bygland. Plassen ligg rett ved, på austsida av, Fylkesveg 323 mot Åraksbø.
Historie
Plassen var først husmannsplass under Nørstegard. Lars Tomasson Segberg (f. 1853) var første rydningsmannen. Kona hans var Margit Eivindsdotter Segberg (f. Skomedal 1853, d. 1898). Dei drog med familien til Amerika i 1892. Det lever i dag svært mange etterkomarar etter dei i Canada.
Torjus Olavson Sandnes (f. 1853, d. 1916) og kona Anne Halvorsdotter Sandnes (f. Besteland 1867, d. 1904) var dei neste folka i Vikelid. Eitt av borna deira var Hallvard Sandnes, som var lærar og blei ein vidgjeten forfattar.
Torjus Olavson døydde i 1916. Signe Torbjørnsdotter Liestøl (f. Haugen 1893, d. 1963) og mannen Gunnar Larsson Liestøl (f. 1889, d. 1976) tok over Vikelid. Gunnar fekk skøyte på eigedomen i 1919 av grunneigaren Ånund Torbjørnson Sandnes. Signe døydde i 1963, men Gunnar blei i Vikelid til 1973. Han budde ein kort periode hos sonen Lars G. Liestøl, men flutte så til den yngste dottera Anne Liestøl Hemnes på Hortemo der han døydde i 1976.
Sonen Lars G. Liestøl på Evje fekk skøyte på Vikelid i 1974 og barnebarnet til Gunnar, Gunnar L. Liestøl jr. (f. 1942), overtok Vikelid. Han er gift med Grethe Johanne Fosse (f. 1946) frå Evje. Dei bur på Evje og har Vikelid som fritidsbustad.
I 2015 blei Vikelid seld til Hind Helene Harira.
Kjelder
- Reidar Vollen, Bygland gard og ætt, bind VI, utgjeve av Bygland kommune, 2009, side 144-153
- Opplysningar i E-post frå Trygve Dahl, Nodeland (slektning)