Mosby
Mosby er ein stad og eit delområde i Kristiansand kommune, i Torridal, om lag 9 km nord for bysentrum i Kristiansand.
Riksveg 9 går gjennom Mosby. Setesdalsbanen gjekk også forbi Mosby, med stopp på Mosby stasjon. Otra var den dominerande trafikkåra mellom Kristiansand og opplandet i eldre tid. Frå Evje nikkelverk kom det nikkelprodukt med hest til Mosby dampskipsbrygge. Derfrå gekk trafikken vidare til Kristiansand med store føringsprammar. I retur blei det frakta kol og koks til smelteverket på Evje. Når setesdølane var på bytur langs Fjellmannsvegen og seinare Postvegen, kunne dei leige båtskyss frå Mosby til Kristiansand.
Kjelder
- Artikkelen om Mosby på Wikipedia (bokmål), besøkt 5. september 2024.
- Leonhard Jansen (red.), Frå postveg til riksveg - vegar og vegminne langs riksveg 9, Bokbyen Forlag, 2018, side 13
- Om Torridal og Mosby på nettsida til Torridal Historielag