Tutlamoen (husmannsplass)

Tutlamoen var ein husmannsplass rett sør for Såtåsen på Kallhovd i Dåsvannsdalen, nær gardsgrensa mot Uleberg, i Hornnes. Plassen låg rett ved den gamle vegen mellom Hornnes og Åseral. Plassemannen her hadde skjenkeløyve.

Historie

Tomas Jonson var truleg rydningsmannen. Han og kona Guro Olsdotter kom til Tutlamoen kring 1847. Dei budde her med borna til først på 1860-talet. Jens Tolleison Kjetså Tutlamoen og kona Rannei Gunnardsdotter kom til staden rundt 1865. Men Jens døydde alt i 1869, bare 35 år gamal. Enka flytta frå plassen. Etter dei kom Anon Ånonson Moseid Ås Tutlamoen og kona Uvild Gunnusdotter Ås til Tutlamoen kring 1870. Den familien flytta truleg frå plassen kring 1882. Dei var dei siste som budde i Tutlamoen.

Kjelder

• Olav O. Uleberg, Hornnes I, Gards- og ættesoge, 1969, side 242–244