Jens Ropstad
Jens Ropstad (fødd 18. mai 1914, død 30. november 1982) var ein norsk offiser og Kompani Linge-mann under andre verdskrigen. Han var mottakar av den høgaste utmerkinga i Norge, Krigskorset. Han var fødd på Ropstad-garden i Hægeland.
10. desember 1943 blei Ropstad saman med tre andre Kompani Linge-agentar sleppte ut i fallskerm i fjellheimen rundt Monsvatna i Setesdal Vesthei. Det var Operasjon Sandpiper som var i gang. Oppgåva var å etablere kontakt med Milorg på Agder, drive utdanning av styrkane, samle informasjon, ta imot våpen og utstyr til heimefronten, og å sabotere Kjevik flyplass. Hovudkvarteret til gruppa var i Åseral.