Såvi G. Straume

Såvi G. Straume (1902-1963) var lærar og bonde i Hylestad. Han var son til Gunnar T. Rysstad og var fødd på Straume. Han var lærar i Treungen skulekrins frå 1923, då han var ferdig med lærarskulen. Han dreiv garden Lunden på Helle; då han døydde, overtok søstera Gunhild Stubseid garden. Sidan overtok sonen Gunnar Stubseid den etter henne. Han budde her nokre år frå 1974, då han arbeidde i kulturskulen i Valle og Bykle og kom sidan tilbake og busette seg her fast etter å ha blitt pensjonert frå stillinga som rektor på Ole Bull-akademiet på Voss.

Frå 1952 til 1955 var Såvi G. Straume ordførar i Hylestad kommune. I 1956 vart han sjuk og slutta som lærar.

Kjelde

• Alfred Ryningen: Valle kommune - Gards- og ættesoge Hylestad bind 1 1985 side 84
• Torjus Åkre: Lærarar i Valle og Hylestad. Artikkel i Bygdesogeskrifter frå Valle og Hylestad 1983 side 117