Setesdal Bunadsenter
Setesdal Bunadsenter held til i dei tidlegare lokala til Breidablikk på Byglandsfjord, rett ved Riksveg 9. Verksemda flytta dit etter å ha vore på Neset Camping rett nord for Byglandsfjord sidan 2011. I tillegg er det ei eiga systue i Kristian IVs gate i Kristiansand. Verksemda syr setesdalsstakkar, skinnfu, bunadsskjorter, rundtrøye, grautkufter og krullekanting til genser for sal. Innehavar er Solveig Landelius Neset.
Historie
Setesdal Bunadsenter blei etablert 7. juni 2000. Det blei etter kvart behov for meir plass, og firmaet leigde plass på Landeskogen i Grendi. I 2011 blei det bygd eigen verkstad og systue på Neset Camping, som Solveig driv saman med mannen Olav Neset. I 2016 kom butikk og systue i Kristian IVs gate i Kristiansand.
Kjelder
- Annonse for firmaet i Setesdølen nr. 30, 2017, side 15
- Heimesida til Setesdal Bunadsenter
- Setesdal Bunadsenter, annonse i Setesdølen nr. 24, 2022, side 11