Kvernåni (Besteland)
Foto: Geir Daasvatn
Kvernåni (Bestelandsåne) renn frå Lisle Myklevatn på heia vest for Besteland nedover dalsida til Otra, rett sør for busetnaden på Nedre Besteland. Kort før ho renn ut i Otra, delar ho seg i to. Den tidlegare traseen på Riksveg 9 hadde såleis to små bruer over elva her. Frå hausten 2021 passerer riksvegen over elva på ei ny bru på den nye traseen. Etter Brokke Sør-utbygginga 2012–2014, med overføring av vatn frå Lisle Myklevatn til Brokke kraftverk, er vassføringa i elva sterkt redusert.
Kjelder
- Faktaark hos Kartverket om skrivemåten til elvenamnet
- Norgeskart.no
- Om Brokke Sør-utbygginga på nettsida til Veidekke
- Informasjonsbrosjyre Brokke Nord og Sør, Skarg kraftverk på nettsida til Otra Kraft