Skjoldmøypila på Helle
Foto: Geir Daasvatn
Skjoldmøypila på Helle er ein om lag mannshøg og spiss stein på gardsbruket Der nede på Helle i Hylestad. Steinen skal ha vore noko høgare før. Etter segna skal Skjoldmøyane ha skote pila etter Heilag-Olav då han for gjennom Setesdal. PÅ same bruket står nå også det kjende Heddisloptet.
Johannes Skar seier det slik:
«Me Heddi la skjallmøyann` å `an; dei skut` a stei`pil at o av fjøddé». Hu sette ni jori å «Heddi der ne`i, attenat fjosé; der sto `u i snei de lengste eg kann minnast; men no e `u flutt heim i tuni.»
Kjelder
- Alfred Ryningen, Valle kommune I Gards- og ættesoge Hylestad, utgjeve av Valle kommune, 1985, side 76–77
- Johannes Skar, Gamalt or Sætesdal, Sant-Olav, bok 2 (bind I i nyutgjevinga frå 1961, side 231)