Nordre Haugen (Bygland gnr. 30)

Bygde i Åraksbø med garden Nordre Haugen rundt Haugenloftet omtrent midt i biletet.

Foto: Geir Daasvatn

Nordre Haugen er ein gard (gnr. 30) i Åraksbø i Bygland. På bnr. 4 i denne garden står det kjende Haugenloftet, bygd ca. 1217/1218.

Historie

Heile Haugen, både Nordre Haugen og Søndre Haugen, må langt tilbake i tid ha vore del av ein mykje større gard, Årak, som femna om alle gardane som i dag utgjer Bygda i Åraksbø, og som er opphavet til bygdenamnet. Ei gong i mellomalderen må Haugen ha blitt skild ut frå Årak. Ein gong etter dette igjen må Haugen ha blitt dela i Søndre og Nordre Haugen. Den delte Haugen er omtalt i skriftlege kjelder frå 1567, men delinga i to gardar kan ha skjedd lenge før det igjen.