Solberg, Vestre
Solberg, Vestre er ein gard (gnr. 39) på heia nord-vest i Iveland. Ein kjem fram til husa på garden ved å følge Solbergveien ca fire kilometer frå Fylkesveg 403 vest for kommunesenteret Birketveit.
Historie
Garden høyrde truleg opphaveleg til Grosås-garden. Grosås er ein av landnåmsgardane i Iveland, og kom mest sannsynleg til i folkevandringstida. Vestre Solberg vart truleg skild ut frå Grosås rundt år 1100 eller kanskje noko før.
Garden var lenge veglaus. Det kom ikkje køyreveg for bil fram hit før hausten 1965.
Kjelder
- Aslak Fjermedal, Iveland II - Ålmenn kultursoge, utgjeve av Iveland bygdesogenemnd, 1962, side 155
- Aslak Fjermedal, Iveland I - Gards- og ættesoge, utgjeve av Iveland bygdesogenemnd, side 632-641
- Knut Gunnar Solberg, Færdaminne frå ein veglaus gard, stykke i Jol i Setesdal 2014, side 22-23