Langeidsverdet
Langeidsverdet er eit vikingsverd som vart funne på Langeid i Bygland sommaren 2011, under utgravingar i samband med utbygging av Riksveg 9. Det stod i bakken ved sida av ei grav med fire stolpehol. Funnet var så oppsiktsvekkjande at det vart halde hemmeleg heilt til det var trygt plassert i laboratoriet til Kulturhistorisk Museum i Oslo. Sverdet har gull i skjeftet og magiske inskripsjonar. Sverdbladet er 94 cm langt. Sverdet seiast å vere heilt unikt. Arkeologane har tidfesta det til 1000-talet, i overgongen til middelalder. Kor det kjem frå har ein så langt ikkje funne ut av. Men arkeologane meiner eigaren må ha vore ein mektig mann, som kunne smykke seg med eit slikt vakkert våpen.
Det er sett fram ein interessant teori om at eigaren av sverdet kanskje kan ha vore den same Bjor som er omtala på Galtelandsteinen i Evje.[1] Det er nok uansett langt fram før denne teorien kan stadfestast vitskapleg.
Langeidsverdet var ferdig restaurert i 2015, og vart vist fram for publikum under utstillinga «Ta det personlig» om personlig utsmykning på Kulturhistorisk Museum denne sommaren. Det skal stå utstilt i Kulturhistorisk museum til 2016.
Kjelder
- Langeidsverdet blir vist fram i Oslo, stykke i Setesdølen nr. 49, 2015
- Trekker sverdet frem fra glemselen, artikkel på Aftenposten.no 12. juni 2015
- Sverdet på Langeid er restaurert, stykke i Setesdølen nr. 80, 2015, side 2
Eksterne lenker
Referansar
<references>