Hornnes barneskule
Hornnes barneskule ligg på Jortveit i Hornnes, nær Hornnes barnehage, Hornnes gymnas og Otrahallen, og er ein av to barneskular i Evje og Hornnes kommune. Skulebygget er frå 1972, og har blitt utbygd og modernisert både i 1991 og 2006.
Skulen var i mange år ein fådelt skule med omlag 70 elevar. I dag har skulen ca 120 elevar fordelt på 7 klassar. Det er også ei eiga skulefritidsordning knytta til skulen. Rundt halvparten av elevane har skuleskyss. Målforma er nynorsk.
Einingsleiar (rektor) for tida (2014) er Solveig Nystøl Moi.