Odde
Odde er ein gard i Evje i Evje og Hornnes kommune, om lag 3 km nord for Evje sentrum på austsida av Otra.
Garden ligg på ein odde mellom Oddeåna og Oddebekken, og det skal forklare namnet. Gardar med slike naturgjevne namn er truleg dei eldste i bygda, og mykje taler difor for at Odde er ein av dei eldste gardane i Evje. Ved Oddeåna rett imot Kyrkjeåsen skal det vere to gravhaugar.
Kjelde
- Oddmund Mogstad, Gardsnamn i Evje, artikkel i Arnstein, årsskrift for Evje og Hornnes Sogelag, 2008, side 33-38