Heimtveiti (Bykle gnr 11 bnr 1)

Det vakkert restaurerte våningshuset i Heimtveiti. Eldste delen skal vere frå ca. 1750.

Heimtveiti er eit nedlagt gardsbruk i garden Tveiti i Nordbygdi ved Botsvatn i Bykle. Det var heimen til Bykle-ordførar Gunnar Å. Tveiten.

Husa i det opphavelege tunet blei flytta lenger opp i bakken, til Øytveit, som følge av reguleringa av Botsvatn midt på 1970-talet. Svein Tveiten (1935-2013) fekk Aust-Agder fylkes bygningsvernpris i 1999 for sitt arbeid med å ta vare på dei gamle bygningane.

Historie

Heimtveiti var hovudbølet i Tveiti, som dei seinare bruka i garden blei skilde ut frå. Busetnaden i Heimtveiti er såleis svært gamal.

Tveiti var udela til rundt 1640-talet. Då blei Nordtveiti og Ryningen skilde frå hovudbølet, og det blei tre hovudbruk i garden.

Kjelder

Aanund Olsnes, artikkelen om Heimtveiti på Lokalhistoriewiki

Kart

Laster kart ...