Bjørgedalen

Bjørgedalen strekker seg austover frå Bjørgum i Hylestad. I dalbotnen renn Bjørgåni, som lengst aust i dalen kallast Eksvassåni. Innover i dalen ligg mange nedlagte støylar og nokre fritidsbustadar. Inst, lengst aust, ligg Forstøyl og Finnstøyl. Det går ein om lag 8 km lang skogsbilveg innover i dalen. Mot å betale ei avgift kan ein køyre med personbil heilt til Skjellestøyl.

Segn

Etter tradisjonen skal den eldste busetnaden på Bjørgum ha vore her oppe på heia, i Bjørgedalen. Om tradisjonen er rett er ikkje godt å seie. Men ein kan ikkje sjå vekk frå at det har vore folk i dalen langt attende i tida, skriv bygdesogeforfattar Alfred Ryningen.

Kjelder

• Alfred Ryningen, Valle kommune II Gards- og ættesoge Hylestad, utgjeve av Valle kommune, 1985, side 20