SP Stål og Mekanisk
Foto: Geir Daasvatn
SP Stål og Mekanisk er ein mekanisk verkstad i Strandgata på Byglandsfjord i Bygland kommune. Verksemda held til i den gamle bygninga til Felleskjøpet. Ho produserer trapper og rekkverk, og større stålkonstruksjonar for bygg. Det vert også utført reparasjonar, renovering og riving innan stål, og service av alle slag. Innehavar av firmaet er Søren Pedersen.
I 2015/2016 laga firmaet fem passasjervogner i stål til bruk på Kanonmusèet på Møvik Fort i Kristiansand. Hausten 2016 fekk verksemda også, som den første i Setesdal, godkjenning for å lage «permanente berande stålkonstruksjonar» (NS-1090-sertifisering).
Kjelder
- Olav Åsen Haugsgjerd: -Uføretrygd passa ikkje meg, Artikkel i Setesdølen nr. 61, 2011, side 16
- Ole Birger Lien, Laga passasjervogner i stål til kanonmuseet, artikkel i Setesdølen nr. 16, 2016, side 5
- Ole Birger Lien, SP Stål først i dalen med lov til å lage «berande stålkonstruksjon», artikkel i Setesdølen nr. 92, 2016, side 12