Else Gyro Rysstad

Else Gyro Rysstad (fødd 21. oktober 1960) er lærar på Fjellgardane skule og ein sentral person i Bykle og Hovden teaterlag. Ho vaks opp på Rysstad.

Else Gyro Rysstad kom til Hovden som lærar i 1984. I 1984 gifta ho seg med Olav Skinnarland, og i ein periode på 1990-talet budde og dreiv dei hotell på Møsstrond, der han kjem frå.

Engasjement

Alt medan ho budde i Valle var ho med i styret i Valle mållag, og det engasjementet har halde seg, så ho har hatt mange verv i Bykle mållag. I tillegg til Bykle og Hovden teaterlag har ho vore engasjert i sundagsskule, musikkorps, husflidslag, fagforbund og Bykle sokneråd.

Prisar

• Aust-Agder fylkes kulturpris
• Bykle kommune sin kulturpris
• Juryens hederspris på Sørlandets revyfestival 2000

Kjelde

• Helene Horverak: Else Gyro Rysstad er halvvegs til 100. Artikkel i Setesdølen nr. 86, 2010