Bakkane

Bakkane 29. juni 2025. Ein kan framleis tydeleg sjå at her har vore opprydda eng.

Foto: Geir Daasvatn

Bakkane er ein tidlegare husmannsplass og småbruk på garden Haugland i Hornnes sin grunn.

Bakkane må først, kanskje frå tidleg på 1800-talet, ha vore husmannsplass under Haugland. Ein veit at Kjetil Ånonsen Haugland (f. 1787, d. 1852) var husmann der med familien. I 1896 blei Bakkane kjøpt av Eli Torgeirsdotter Hannås Haugland (f. 1852, d. ca. 1936), og skild ut frå Haugland bnr. 1 med bnr. 4. Seinare budde det fleire familiar i Bakkane, iallfall til ut på 1930-talet. I dag (2025) er det bare hustufter igjen i Bakkane. Bnr. 4 er frå 2018 føyd saman med bnr. 1 att. Heimelshavar til eigedomen (bnr. 1) er Olav Berge Abusland (f. 1981).

Kjelder

• Norgeskart.no
• Elektronisk grunnbok hos Statens Kartverk
• Olav O. Uleberg, Hornnes I, Gards- og ættesoge, 1969, side 581–583