Stålevatnet
Foto: Geir Daasvatn
Stålevatnet er eit lite vatn på heia (415 moh.) om lag fire kilometer vest for garden Tveit i Hornnes i Evje og Hornnes kommune. Vatnet ligg rett sør for Sveindalsvegen (Fylkesveg 42), mellom Tveit og Bjørndalsvatnet. I vestre enden av vatnet er det fleire fritidsbustader, og noko sør-vest for vatnet ligg det eit større hyttefelt. Det går veg (bomveg) inn til og vidare forbi vatnet frå Sveindalsvegen.
Stålevatnet drenerer til Kosåna-vassdraget. I vatnet ligg ein liten holme med det klingande namnet Kon-Tiki.