Tungefoss kraftverk

Tungefoss kraftstasjon med den tørrlagde Tungefossen bak t.v. i biletet.

Foto: Geir Daasvatn

Tungefoss kraftverk var eit kraftverk i Mandalselva, nord for Øvre Homme i Bjelland i Marnardal, rett sør for Sveindal i Audnedal, frå 1918 til 1974. Kraftverket utnytta fallet i Tungefoss. Det vart bygd for å gje straum til gruvedrift i Undalens molybdengruver på Øvre Flottorp i Grindheim i Audnedal. Men gruveselskapet vart oppløyst alt i 1920. Kraftverket vart lagt ned då Bjelland kraftverk vart opna i 1974.

Øvingskraftverk

I 2016 vart kraftverket gjenopna som øvingskraftverk for elevar som tek elektroutdanning ved Byremo vidaregåande skule.

Kjelder

• Sigurd Haugsgjerd, Tungefoss som elevbedrift, artikkel i Setesdølen nr. 39, 2016, side 6
• Om Tungefoss kraftverk i referatet frå haustturen 2012 til Marnardal Historielag

Eksterne lenker

• Geir Daasvatn sine bilete av kraftverket på Flickr