Dølen Hotel

Hotel Dølen på Evje 2012

Foto: Reidar Tveito

Hotel Dølen er eit hotell på Evje. Det er eldste hotellet i Setesdal. Det vart bygt i 1921 på tomta etter eit tidlegare hotell frå 1887 som brann ned. Hotellet har 12 rom. Frå 2004 har det vore drive av Roar Sætre og Monika Sætre. Hotellet har blitt svært populært på grunn av sundagsbuffetane, som kan samle 2-300 gjester. Dei har hatt planar om å utvide hotellet, men i 2012 vart hotellet avertert for sal på grunn av sjukdom i familien til eigarane.

Eldre historie

Det var kjøpmann Johan S. Gundersen som fyrst sette opp hotel på Evje, i 1887. Han vart født i Kristiansand i 1839, og var son til kjøpmann John Gundersen. Denne hadde òg kjøpt Høie spinneri av Lilloe for 8000 spesiedaler i 1857. Fabrikken heldt fram med Lilloe som styrar, og var i slektas eige fram til Oscar Jebsen tok over i 1904.

Johan S. Gundersen flutte til Mosby i 1880 for å driva fabrikken på Høie, og han han dreiv samstundes med handel der. Han dreiv også landhandel på Kile og på Evje, med bakeri i tillegg. Etter at han hadde sett opp Dølen hotel, kjøpte han garden Lande i Grendi, og flutte seinare opp dit. Etter kvart vart Lande teke over av sonen Ragnvald, som igjen selde garden til Jon Løyland i 1930.

Hotellet som Gundersen hadde sett opp brann ned, men eit nytt hotel vart reist på same tufta. Dette er dagens hotel, som vart drive av Skibsrud i mange år.

Kjelder

• Vil selje Hotel Dølen. Artikkel i Setesdølen nr. 88, 2012 side 2
• Da man brukte hesteskyss fra Kristiansand til Evje. Artikkel i Fædrelandsvennen 9. mai 1973, signert Jannes (Jannes Bjørnsen)
• Sigurd Haugsgjerd: Vil selje Dølen Hotell. Artikkel i Setesdølen nr. 44, 2013 side 4

Sjå også

• Hotel Dølen 1887