Tjørnbrotbu

Tjørnbrotbu

Tjørnbrotbu er ei turistforeningshytte som Aust-Agder Turistforening har i Bykle kommune. Hytta ligg 1300 meter over havet i Setesdal austhei, ganske nær grensa til Telemark, 14 km og om lag tre timars gange i lett stigande terreng frå Hovden, knappe to kilometer nordaust for Auversvatn. Det er den høgast liggjande turisthytta i Sør-Norge sør for Gaustatoppen. For å kome til hytta kan ein parkere ved Hovden Fjellstoge, der Turistforeninga har avtale om parkering. Så går ein opp til Hovden Appartementshotell og vidare langs Byrtemannsbekken til Gjuvet der ein kryssar bekken på bru og følgjer merka sti til hytta, som ligg på nordsida av Tjørnbrottjørnane. Turistforeninga si løype austover går vidare til Telemark og Byrte. Nordover frå Tjørnbrotbu kan ein følgje merka løype heilt til Haukelisæter. Sørover går løypa til Berdalsbu turisthytte og vidare til Bjørnevasshytta.

Hytta har sjølvstell og 22 senger. Det er lov å ha hundar i sikringshytta.

Eksterne lenker

• Om Tjørnbrotbu hos turistforeningen.no
• Om hytta hos ut.no

Kart

Laster kart ...

|}