Bjørnestøl (Evje og Hornnes gnr. 36)

Bjørnestøl med Heietjønn bak 3. mai 2020.

Foto: Geir Daasvatn

Våningshuset som i dag står i Matkrona, skal opphaveleg ha stått på Bjørnestøl.

Foto: Geir Daasvatn

Bjørnestøl («Heia») er ein heiegard (gnr. 36) i området rundt Gåseflå og Matkrona ved Gunnarsåna på heia vest i Hornnes, inn mot grensa til Åseral. Det er ingen fast busetnad på garden idag, men ein del fritidsbustader. Matkronvegen går inn til området frå Fylkesveg 42 ved Bjørndalsvatnet. Men inn til Heietjønn, der dei opphavelege bruka låg, er det veglaust.

Historie

Bjørnestøl var ein liten gard (1/2 hud), men frå midten av 1700-talet budde det to huslydar der. I 1865 skal det ha budd 20 menneske i Bjørnestøl. Dei nedlagte gardsbruka Matkrona og Gåseflå, der gardshusa framleis står, ligg på Bjørnestøl sin grunn.

Litteratur

• Georg Bjørndal, Bjørnestøl eller «Heia», artikkel i Arnstein 2016, side 44-47

Kjelder

• NIBIO - Gardskart på nett
• Olav O. Uleberg, Hornnes I, Gards- og ættesoge, utgjeve av Hornnes bygdesogenemd, 1969, side 688-697
• Lokalhistoriske perler. På tur med Oddmund Mogstad, utgjeve av Evje og Hornnes sogelag, 2018, side 166

Kart

Laster kart ...