Heimigardsløa

Fil:Heimigard Rysstad løa 180217.jpg

Heimigardsløa under restaurering vinteren 2017.

Foto: Geir Daasvatn

Heimigardsløa er ei gamal løe, ein av dei eldste trebygningane i Setesdal, på bruket Heimigard Rysstad på Rysstad i Valle. Løa er bygd før 1350, altså før Svartedauden. Det kan ein vite ut frå korleis hjørna er hogne i hop på. Det er findalslaft, ein måte å lafte på som bare er kjend før 1350.

Løa er det einaste huset i sitt slag som ein kjenner frå mellomalderen. Ho er såleis truleg den eldste løa i landet. Ho er automatisk freda etter Kulturminneloven.

Sjå også

• Gamle trebygningar i Setesdal

Kjelder

• Olav Bø, Setesdal. Folk, kunst og tradisjon, Oslo 1980, side 117-118
• Johs. Bjørkeli, Dalen med museum på hver gård, artikkel i Fædrelandsvennen, God Helg, 7. oktober 2016
• Alfred Ryningen, Valle kommune I Gards- og ættesoge Hylestad, utgjeve av Valle kommune, 1986, side 277-291