Tonstad
Hopp til navigering
Hopp til søk

Tonstad.
Foto: Geir Daasvatn
Tonstad er ein tettstad og administrasjonssenteret i Sirdal kommune i Vest-Agder. Staden ligg i nordenden av Sirdalsvatnet, omtrent 57 kilometer nord for Flekkefjord, 55 kilometer nord-aust for Egersund og 103 kilometer vest for Evje. Fylkesveg 42 går gjennom Tonstad. Tettstaden hadde 886 innbyggarar per 1. januar 2016. Tonstad var eigen kommune frå 1905 til 1960.
Sira-Kvina Kraftselskap har hovudkvarteret sitt på Tonstad. I fjellet her ligg også Tonstad kraftverk, eitt av dei største i Norge. Kyrkja er Tonstad kyrkje. «Sirdal skigymnas» ligg på vestsida av elva Sira, kort veg frå Tonstad sentrum.