Tjostolv Nordal
| Tjostolv Nordal | ||
|---|---|---|
| ||
| Med kona Signe i Nissedal i 2000 | ||
| Født: | 23. juni 1922 | |
| Død: | 2. mai 2014 (91 år) | |
Tjostolv Nordal (fødd 23. juni 1922 i Nissedal, død 2. mai 2014 i Skien) budde i Skien. Han var sjuk dei siste åra av livet. Tjostolv Nordal var predikant. Han starta sitt virke som forkynner i Agder krets av Indremisjonsselskapet i 1945. I 1950 vart han ungdomssekretær i Arendal krets. I 1959 vart han konstituert landsungdomssekretær i Indremisjonsselskapet før han i 1961 vart kretssekretær i Agder krets av Indremisjonsselskapet. Deretter var han kretssekretær i Trøndelag Indremisjon og Ryfylke og Jæren Indremisjon før han flytta til Skien og vart redaksjonssekretær i Langesundsfjorden Indremisjonsselskap. Frå 1978 var han så reisesekretær for Bibelselskapet tl han vart pensjonist.
I tenesta som kretssekretær i Agder Indremisjon var han i Valle Indremisjon som talar, og han var ein viktig samarbeidsmann i samband med Internatmøta i Valle.
I 1964 vart han vald inn i Oddernes kommunestyre for Kristelig Folkeparti, men kommunen var slått saman med Kristiansand frå 1965, så den politiske karrieren hans der vart kort.[1] Seinare var han medlem av Agder bispedømmeråd fram til 1986[2]
Tjostolv Nordal etterlet seg kona Signe og tre barn, Gunhild, Torgeir og Aslaug. Dottera Olaug var død tidlegare. I tillegg etterlet han seg svigerbarn, barnebarn og oldebarn. Bisettelsen var frå Nordre gravlund i Skien fredag 9. mai 2014 klokka 10. Like kjært som blomar var ei gåve til Kyrkjebygda bedehus i Nissedal, Normisjon og Det norske Bibelselskap.
Kjelder
- Dødsannonse i Fædrelandsvennen tysdag 6. mai 2014 side 29
- Sverre Lund: Valle Indremisjon 100 år 1992 side 61 ISBN 8299246806
- Gunnar Prestegård og Anfin Skaaheim: Tjostolv Nordal til minne. Minneord i Vårt Land 12. mai 2014 side 17