Ose Matmarknad

Fra Setesdalswiki
Share/Save/Bookmark
Hopp til: navigasjon, søk
Ose under matmarknaden.

Ose Matmarknad vert arrangert andre helga i juli. Arrangør er Ose Mat og Kultur, og arrangementet har gått kvart år sidan 1995. Det er ein marknad basert på tradisjon innan mat, husflid, kunsthandverk og antikvitetar.

Alle salsbodene ligg samla i det lille sentrumet i Ose, rammet inn av den gamle Storstoga, eit toetasjes laftebygg, Ose Turistheim, Ose Ullvare, Storstoga Kro, Ose grendehus og Coop Marked Ose. Som regel er det godt ver under arrangementet, og det kjem ofte to-tre tusen menneske for å smake på tradisjonsmat ein kan få kjøpt: Kurv, med komle eller poteter, Setesdalssuppe, komper, spekemat og rømmegrøt.

I 2016 besøkte om lag 2500 Ose Matmarknad dei to dagane. Ragnhild Sordal var sjef for arrangementet og Solveig Ose var som vanleg sjefskokke.

Kjelder[rediger]

Eksterne lenker[rediger]