Olav Stavenes (1926)

Olav Stavenes
Født:	22. desember 1926
Død:	22. mars 2008 (81 år)

Olav Stavenes (fødd 22. desember 1926, død 22. mars 2008) budde på Byglandsfjord. Han etterlet seg kona Mari Stavenes, dottera Bjørg Forgard og svigersonen Knut Forgard, barnebarn og oldebarn. Gravferda fann stad i det stille.

Han var fødd og oppvaksen i Bykle i ein søskenflokk på sju. Ein bror på Stavenes og tre søstrer i Kristiansand levde etter han. I ung alder reiste han ut og gjekk befalsskulen. Etter det arbeidde han i Forsvaret i ti år. Han var stasjonert i Bergen, på Evjemoen og på Hannåsmoen, der han og var sjef ei tid. Den lengste tida i Forsvaret hadde han i Kristiansand, der han og møtte Mari frå Byglandsfjord. Då bensinstasjonen ved sida av Setesdal Meieri vart ledig, kjøpte dei den. Han var då 31 år gammal og han og kona dreiv stasjonen for BP og seinare Statoil i 36 år. Då han vart pensjonist 67 år gammal, vart stasjonen nedlagd. Sidan fekk han 14 år som pensjonist.

Kjelde

• Dødsannonse i Setesdølen nr. 25, 2008, side 2
• Sigurd Haugsgjerd: Olav Stavenes på Byglandsfjord er død. Minneord i Setesdølen nr. 25, 2008 side 2