Motorsenteret

Frå Setesdalswiki
Hopp til navigering Hopp til søk
Motorsenteret 3. juni 2017.

Motorsenteret (AS) er ein snøscooterforhandlar på Rysstad i Valle. Firmaet sel Yamaha-scooterar, og i tillegg terrengkøyretøy, snøfresarar og tilbehør av ulikt slag. Driftsinntektene i 2015 var rundt 9,9 millionar kroner. Det er to tilsette. Jon Atle Helle eigde og dreiv verksemda fram til hausten 2022. Han har fleire gonger fått heidersutmerkinga «Dealer of the Year». Frå hausten 2022 overtok Eiksenteret Rykene eigarskapen. Jon Atle heldt fram som dagleg leiar for avdelinga på Rysstad.

Historie

Selskapet vart skipa i 1995, på tuftene av det tidlegare Rysstad Snøscooterservice som hadde handla med snøscooterar i Setesdal sidan 1982. Det var Åge Rysstad som starta den verksemda, som eit lite enkeltmannsføretak heime i garasjen. Rysstad Snøscooterservice hadde på det meste forhandlarar i Åmli, Åseral, Sirdal og Kvinesdal. Det blei behov for meir arbeidshjelp. Jon Atle Helle vart tilsett, og blei etter nokre år kompanjong. Motorsenteret blei skipa i 1995, og frå 2002 til 2022 dreiv Jon Atle Helle verksemda åleine. Frå 2022 er eigaren Eiksenteret på Rygene.

Kjelder

Eksterne lenker