Masi

Fra Setesdalswiki
Share/Save/Bookmark
Hopp til: navigasjon, søk
Utsyn over Hornnes-bygda og Evjemoen frå Masi. Foto: Geir Daasvatn

Masi er ein liten fjelltopp (360 moh.) nord-vest for Dåsnesmoen bustadfelt i Hornnes. Toppen er eit fint utsiktspunkt over bygda. Det går merka turløype til toppen, og han er eit populært turmål. Ein kan starte turen bak Hornnesheimen, der det er ein grei liten parkeringsplass, eller frå VarmedokkaJortveit. Starter ein her, er det om lag 3,5 km å gå fram og tilbake. På sjølve toppen er det postkasse med bok der alle som har vore på toppen kan skrive seg inn. Ønsker ein å ta ein litt lenger tur, er det merka løype vidare frå Masi til Fennefossfjellet og Furustovheia.

Turløypa er rydda og vert halden i stand av bygdefolk på dugnad. Mange har gjort ein stor dugnadsinnsats, men utan forkleining for nokon må ein kunne framheve John Gautestad. Bygdefolket har òg på dugnad bygd ein flott gapahuk heilt på kanten av toppen, der ein kan nyte naturen og utsikten i fred og ro.

Masi er ikkje eit godkjend namn på fjellet. Det offisielle namnet er Laugefjell. Toppen seiast å vere kalla opp etter fornamna til to av dei ivrigaste turgåarane, Margrethe Gautestad og Signe Berge. Dei var med då det uoffisielle namnet kom i stand blant ein gjeng bygdefolk i 2004. Seinare har ingen kalla fjellet for noko anna enn Masi. Det har blitt tradisjon for å samlast på Masi kvar sundag i adventstida, til bålbrenning, sosialt samvær og song.

Eksterne lenker[rediger]