Luftslaget

Fra Setesdalswiki
Share/Save/Bookmark
Hopp til: navigasjon, søk
I boka Luftkampen over Byglandfinn du historia bak slåtten

Luftslaget er ein munnharpeslått laga av Bjørgulv Straume. Den er inspirert av ei hending hausten 1941, då eit engelsk B17-bombefly vart skote ned av tyske jagarfly over Bygland vesthei. Vrakrestane ligg enno i Melejuvet på vestsida av Byglandsfjorden. Hendinga er omtalt i boka Luftkampen over Bygland.

An vrakrestane laga Knut Tveit ei munnharpe han kalle B17. Bjørgulv Straume nytta den munnharpa då han spelte inn kassetten Luftslaget i 1990. I den innspelinga er slåtten 2:14.

Slåtten tek til med eit tema frå kallesignalet BBC brukte under krigen, tre korte og ein lang, henta frå Skjebnesymfonien av Beethoven. Så illustrerer tonane ferda frå England og skytinga av tyske jagarfly. Ein kan formeleg høyre korleis kulene flyg rundt øyro på flygarane. På slutten av slåtten høyrer ein flyet styrte mot bakken. Då vert det stille. Deretter vert opningstemaet repetert. Det er ein talande slått og når Bjørgulv Straume framfører den på konsertar, fortel han gjerne soga før han spelar, noko som gjev ein ekstra dimensjon til framføringa.

Kjelde[rediger]

  • Informasjon frå kassettomslaget til Luftslaget (kassett)