Ljosland kyrkjegard

Ljosland kyrkjegard.

Foto: Geir Daasvatn

Ljosland kyrkjegard ligg på Ljosland, ned mot nordenden av Ljoslandsvatnet, heilt nord i Åseral. Han blei vigsla rundt 1891. Sjølve kyrkja, Ljosland kapell, ligg litt lenger opp i bakken for vatnet. Kapellet blei bygd først i 1959.

Historie

Det var lang veg til kyrkja for folka på Ljosland, rundt 22 km til Kyrkjebygd. Var vinteren streng, kunne det gå fleire veker før dei kunne kome seg til kyrkja med hesteskyss. Kring 1890 søkte dei difor om å få vigsla gravplass i garden. Då dei fekk søknaden godkjend, skal gamle Olav Svensson Ljosland ha sagt: «No blir nok eg den fyrste som skal bli gravlagd der.» Olav fekk rett, han blei som den aller første gravlagd på Ljosland kyrkjegard 30. mars 1892.

Kjelder

• Tarjei Liestøl, Åseral Gard og Ætt, bind I, utgjeve av Åseral bygdesogenemnd, 1976, side 289