Lina Langerak
| Lina Langerak | ||
|---|---|---|
| Født: | 9. mars 1913 | |
| Død: | 13. januar 2013 (99 år) | |
Lina Langerak (fødd 1913, død 13. januar 2013) budde på Byglandsheimen den siste tida. Ho etterlet seg Oddleiv Jortveit, Signe Bjørg Liestøl og annan familie. Gravferda var frå Årdal kyrkje tysdag 22. januar 2013 klokka 12.
Då ho døydde, var Lina Langerak den eldste i Bygland kommune. Ho var fødd på Ombo i Ryfylke, ei øy som den gongen var ein del av Jelsa kommune, men som no ligg i Finnøy kommune. Foreldra hennar var Johanna (fødd 1870) og Lars O. Berge (fødd 1862). Ho var den yngste av sju søsken. Bror til far hennar var Ole Osmundsson Berge, som var stortingsmann frå 1881 til 1897. Under krigen kom Lina Berge til Øvre Søbø som tenestejente hos Anlaug og Gunstein Bakke. Lina vart gift med bror til Anlaug, Nere Langerak i 1943, og sidan budde ho på Vodden. Dei dreiv nabogardar og hadde etter måten stor buskap. I tillegg var ho interessert i hagebruk og dyrka mykje grønsaker.
Kjelder
- Dødsannonse i Setesdølen nr. 5, 2013 side 2
- Sigurd Haugsgjerd: Den eldste i Bygland er død. Minneord i Setesdølen nr. 6, 2013 side 6