Hartvig Gabriel Lund
| Hartvig Gabriel Lund | ||
|---|---|---|
| ||
| Født: | 23. desember 1883 | |
| Død: | 14. juli 1961 (77 år) | |
Hartvig Gabriel Lund (fødd 23. desember 1883, død 14. juli 1961) var disponent på Byglandsfjord Dampsag og Høvleri. Han kom til Byglandsfjord i 1898 som bokhaldar og kasserar etter å ha teke middelskole i Kristiansand, der han var frå, og så arbeidd ei tid som kontorhjelp på sagbruket til Otto Lømsland i Ålefjær. Etter ti år ville disponent Guttorm A.Vennesland ha sin kasserar til å overta som disponent. Ikkje alle var enige i det, men Vennesland fekk viljen sin, og H. G. Lund tok til som disponent 1. april 1908. Ved 50-årsjubileet for Dampsaga i 1948 hadde Lund vore disponent i 40 år og altså vore tilsett ved bedrifta i 50 år. Han var og med i styret for andre bedrifter, mellom anna var han formann og varaformann i representantskapet for Sørlandets Creditbank og i Otteråens fællesforeningsstyre, samt styreleiar for Byglandsfjord Træskofabrik.
Familie
Foreldrene var skipskaptein Gabriel Joachim Lund og kona Rachel Cathrine Lund, fødd Barth. Han hadde ei søster, Elise Valen. Han er gravlagd på Årdal kyrkjegard.
Kjelder
- Gravminne hos disnorge.no
- Haagen Krog Steffens: Norske Slægter 1912, side 189
- Om H. G. Lund i Mikkjel Skjevrak: A/S Byglandsfjord Dampsag & Høvleri gjennom 50 år, 1898-1948 P. M. Danielsens trykkeri, Arendal, side 48