Gunnar Østerhus
| Gunnar Østerhus | ||
|---|---|---|
| Født: | 1930 | |
| Død: | 1992 (alder 61–62) | |
Gunnar Østerhus (fødd 1930, død 1992) var lensmann og ordførar i Evje og Hornnes.
Utdanning og yrke
Gunnar var fødd i Kristiansand. Han tok artium, politiskule, landbruksskule og juridiske fag. Han tenestegjorde i politietaten frå 1954 til 1989. Han var aspirant ved Oslo politikammer. Etter det var han konstabel ved Telemark politikammer i Porsgrunn. I 196 byrja han som lensmannsbetjent i Evje og Hornnes. Sommaren 1971 blei han lensmann.
Politisk engasjement
Gunnar Østerhus var medlem av kommunestyret og formannskapet i Evje og Hornnes 1964–1975. Han representerte Evje og Hornnes Arbeiderparti. Han var ordførar 1966–1975, då han sa frå seg attval. Han blei vald inn i kommunestyret på nytt 1979–1983. Han var også fast medlem i fylkestinget i Aust-Agder i tolv år. Han var i tillegg medlem i ei rekke nemder, utval og komitear.
Fritid
Gunnar var svært interessert i sjakk, og har fått mykje av æra for at sjakkmiljøet blomstra i Evje og Hornnes i hans tid. Han var oppteken av målsaka og var i ei årrekke med i skriftstyret for Jol i Setesdal.
Heider
Gunnar Østerhus blei i 1989 tildelt Kommunenes Sentralforbund sitt heidersteikn for lang og fortenestefull kommunal og fylkeskommunal verksemd.
Kjelder
- Navn i dag, omtale av Gunnar Østerhus i Fædrelandsvennen 14. november 1992, side 24