Danmark (stadnamn)

Danmark er ein stad i Vassend, mellom den tidlegare jernbanelina og Riksveg 9, rett sør for Byglandsfjord. Ein dansk greve heldt til her i si tid, og staden blei med det heitande «Danmark». I dag er området dyrka opp. Ein gong Mikkjel Neset pløgde i åkeren, truleg på 1950-talet, kom det ein flintdolk opp av jorda. På den nærliggande Båtnesodden er det også gjort fornminnefunn.