Bygger'n Evje

Bygger`n Evje.

Foto: Geir Daasvatn

Bygger`n Evje var ei byggevareforretning langs Verksvegen på Verksmoen, rett sør for Evje sentrum. Eigar var E. A. Smith AS. 1. februar 2023 blei forretninga lagt ned.

Historie

Byggevareforretninga på Verksmoen heitte først Evje Trelast. Ho var då flytta dit frå Tingberget ved Arendalsvegen, omtrent der Tingberget bustadfelt ligg i dag. Seinare gjekk forretninga inn i Montèr-kjeda, og skifta namn til Montèr Evje. I 2012 selde Evje Bygg Invest AS, som eigde alle aksjane i selskapet Evje Trelast, samtlige aksjar til E. A. Smith AS. E. A. Smith eig og driv den landsdekkande Bygger`n-kjeda. Samstundes vart namnet på forretninga på Verksmoen endra til Bygger`n Evje. Tormod Flystveit vart tilsett som dagleg leiar.

Kjelder

• Om overtakinga av Evje Trelast på nettsida til E. A. Smith AS
• Sigurd Haugsgjerd, Bygger´n Evje blir lagt ned, artikkel i Setesdølen nr. 3, 2023, side 4

Eksterne lenker

• Bygger`n Evje på byggern.no