Kjyrehaug
Hopp til navigering
Hopp til søk
Kjyrehaug er ein stor gravhaug, rett ved sida av Hanehaug som også er ein gravhaug og midtpunktet i eit stort fornminneområde med gravfunn frå steinalder, jernalder, bronsealder, folkevandringstid og vikingtid på Nese i Bygland. Kjyrehaug er 20 meter i diameter, og 2,5 meter høg.
Kong Hane skal i følge segna ha levd på 1000-talet, og rådde over heile Bygland. Segna seier at Olav den Heilage kom på kristningsferd til Setesdal. Kong Hane samla ein hær frå alle bygdene omkring for å slost mot kongen. Slaget skal ha stått ved Ellingstjønn, nord for Bygland. Kong Hane fall, og vart gravlagd i Hanehaug. Den heilage kvite trollkua hans, Audhumbla, som gjekk med han i alle strider, vart gravlagd i Kjyrehaug rett ved sida.
Kjelder
- Oppslag på info-tavle ved Hanehaug
- Om gravrøyser ved Byglandsfjorden på arkeolog Frans-Arne Hedlund Stylegar sin blogg
- Bygland, Norges Bebyggelse, herredsbindet for Aust-Agder, vestre del, Oslo, 1956, side 64
- Reidar Vollen, Bygland gard og ætt, bind VII, utgjeve av Bygland kommune, 2012, side 19