Gunnar M. A. Røstad
Gunnar Marthinius Andersen Røstad (fødd 1874, død 1947) var ein dyktig felemakar. Han blir rekna som den beste felemakaren på 1900-talet ved sida av Olaf G. Helland.
Gunnar Røstad var fødd på den vesle husmannsplassen Lintjønn på Reiersdal i Øvrebø i Vennesla. Familien flytta etter nokre år til Myran, også det i Øvrebø. Gunnar flytta tidleg til Christiania. Han arbeidde ei tid som politikonstabel. I 1907 opna han eigen feleverkstad. Mange kjende spelemenn har hatt feler laga av han. Dei beste felene hans er høgt verdsette.
Marton Laksesvela på Rysstad eig i dag ei av felene etter Gunnar Røstad, laga i 1912. Ho er restaurert og i dag i topp stand. Ho er ei av dei beste Røstad-felene som er i bruk. Harald Knutsen eig ei Røstad-fele frå 1913.
Kjelder
- Gunnar Stubseid, Legendariske hardingfeler - Femti feler 1750-1950, Bokbyen Forlag, 2018, side 114–117