Trygve Hermansen
| Trygve Hermansen | ||
|---|---|---|
| Født: | 15. mai 1908 | |
| Død: | 22. januar 1992 (83 år) | |
Trygve Hermansen var fødd 15. mai 1908 i Namsos, men flytta til Byglandsfjord vinteren 1915/1916 saman med familien. Far til Trygve var Ole Christian Hermansen frå Tune ved Sarpsborg. Han var formann på saga på Byglandsfjord frå 1. januar 1916. Mor var Mina Hermansen frå Fetsund.
Trygve Hermansen var ein god skihoppar i ungdomstida. Saman med andre lokale skihopparar som Marcus Fiskaa, Sverre Stålesen, Knut Aaneland, Wilhelm Svenningsen, Jakob Svenningsen, Jon Klepp, Sigurd Klepp og Knut K. Horverak representerte han skilaget Elgen på Byglandsfjord på ein framifrå måte i hopprenn over heile Sørlandet. Hermansen deltok også i kombinertkonkurransar.
Seinare i livet busette Trygve Hermansen seg på Hamar.
Kjelder
- Skilaget Elgen - Trygve Hermansen, ein av veteranane i laget, fortel til Olav Horverak, artikkel i Jol i Setesdal, 1989, s. 25-28.