Haugemoplasset
Haugemoplasset var ein husmannsplass i Haugemoen i Åraksbø i Bygland. Plassen låg sør for Prestegardsplasset og var den av husmannsplassane som låg lengst ute mot Sandnes. Noko slåttemark ved Storestøyl og nokre slåtter på toppen av Storlinuten høyrde til. Her var folk frå rundt 1870 til ei stund før 1943. Den som budde her lengst var Gyro Nilsdotter Lidtveit (f. 1827, d. 1916).
Kjelder
- Reidar Vollen, Bygland gard og ætt, bind V, utgjeve av Bygland kommune, 2008, side 620–623