Storemyr (Lauvås)

Storemyr er eit svært, dels oppdyrka myrområde på Lauvås i Hægeland heilt nord i Vennesla kommune.

Den gamle kløv- og ridestigen Fjellmannsvegen gjekk over Storemyr. Langs austre delen av den oppdyrka delen av myra var vegen hellelagt. Det var for å gjere det lettare å kome tørrskodd over myra. Gjennom årtidene har hellene sunke djupare ned i myra. Men med stikkprøver kan ein framleis finne ut kor vegen gjekk.