Riksveg 9 Hornskilen

Riksveg 9 Hornskilen er ei om lag to kilometer lang, ny strekning under arbeid på Riksveg 9 mellom Hornskilen i sør og Pederstjønn i nord, heilt nord i Vennesla. Arbeidet tok til i september 2025.

I Hornskilen og Pederstjønn skal det skje ein del utfylling i vatn. Mellom desse punkta skal ny veg etablerast i ei svær fjellskjering innanfor (vest for) eksisterande veg, nær traseen til den gamle Postvegen.

Føremålet med arbeidet er å auke trafikktryggleiken og framkoma gjennom å utbetre kurvar, etablere mjukt sideterreng og betre sikttilhøva.

Statens vegvesen er oppdragsgjevar. Nomeland Maskin AS har oppdraget. Det har ein estimert verdi på 50 millionar kroner.

Kjelder

Omtale av prosjektet på Doffin.no

Kart