Lidtveit bru
Foto: Geir Daasvatn
Lidtveit bru er ei bru over Hovassåni, bygd 1968, på den kommunale bygdevegen som går nede frå Bygda i Åraksbø opp til Lidtveit og vidare til Haugetveit.
Historie
Den første brua her blei bygd då vegen til Haugetveit kom i 1916–1917. Fram til 1968 var det ei smal bru med stålbjelkar, tredekke og rekkverk. Då blei brua erstatta av ei ny bru av armert betong. Forskalinga på denne brua blei teke av flaum, og førte til langt avbrot for trafikken til Haugetveit.
Kjelder
- Knut Haugetveit, fortalt munnleg til Geir Daasvatn i samband med bokprosjektet Hovassåna – krafta i elva.