Haugetveit sag
Foto: Geir Daasvatn
Haugetveit sag stod ved Hovassåna sør for Krokan på Lidtveit i Åraksbø, men på Haugetveitsida av elva. Ho er nemnd på kart i 1858, og var sameige mellom Haugetveit, Lidtveit og Sandnes. Det var ei oppgangssag.
Kledninga til Sandnes kyrkje då ho stod på Sandnes kom frå denne saga. Kyrkja blei reist i 1844. Same kledninga er framleis på kyrkja, no i Åraksbø. På Haugetveit skal det framleis ligge mange bord som er skorne på denne saga.
Kjelder
- Reidar Vollen, Bygland gard og ætt, bind IV, utgjeve av Bygland kommune, 2006, side 523