Vøylehytta

Vøylehytta (Voilehytta) ligg ved Vøylevatnet, ca. 700 moh., nord-aust for Jordalsbø, i Bygland austhei. Ho blei oppført av Setesdalens Sommerhjem rundt 1880, til bruk for gjestane.

Kring midten av 1880-åra blei ho kjøpt av Carl Christensen, som i åra 1889–1927 eigde og dreiv Christianssands Bryggeri. Det var inga stor hytte frå først av. I 1913 bygde Christensen difor på hytta med to soverom. Han leigde jaktterreng rundt hytta, ca. 50 000 mål, av rundt 15 grunneigarar. Her tok han med venene på jaktturar. Etter at Carl Christiansen var død i 1927, overtok sonen Otto Christiansen som eigar. Jaktterrenget blei etter som åra gjekk redusert til 15 000 mål.

Den store kraftlina frå Brokke til kysten ved [Fjære]] på byringa av 1960-talet blei lagt bare nokre titals meter nord for hytta. Otto Christiansen var oppe og såg den ferdige kraftlina. Det var siste gong han var der.

Eigar av hytta pr. 2024 er Torkjel Sandnes (f. 1959).

Kjelder

• Carl Christiansen (barnebarn til Carl Christiansen), Om jakt og fjellturer i Setesdalsheiene, artikkel utlånt av Sigmund Lidi, ukjend kor den har stått på prent